nuche.net
نوچەنێت.هه‌ولێر:
ئه‌نجومه‌نى وه‌زیرانى هه‌رێمى كوردستان،بەبۆنەی یادی راپەرینەوە پیرۆزبایی له هاوڵاتیانی كوردستان ده‌كات
ئەمەی خوارەوەش دەقی پیرۆزبایی نامەكەیە:
جەماوەری سەربەرز و خۆڕاگری کوردستان..
هاووڵاتیانی خۆشەویست..
ئەمڕۆ لە ساتەوەختێکی هەستیار و مێژووییدا، بیست و چوار ساڵ بەسەر ڕاپەڕینە مەزنەکەی ئازارى ١٩٩١ی گەلەکەماندا تێدەپەڕێت، ساتەوەختێک کە كوردستانیان لە سەنگەری بەرگریدا بەرامبەر بە دڕندەترین هێزی تاریکی دەجەنگێ، لە لایەکی دیکەشەوە ڕووبەڕووی فشارێکی زۆری دارایى و سیاسی و جەنگی دەروونی بوونەتەوە.
ڕاپەڕین کە گەورەترین دەربڕین بوو لە خواست و ئیرادەی كوردستانیان بۆ ئازادی و ڕەتکردنەوەی دەسەڵاتی دیکتاتۆری و هەژموونی خۆسەپاندن بەسەر ئیرادەی نەتەوەیی و نیشتمانیماندا، بۆ ئێمه هەڵگری چەندین مانا و وانەی بەنرخە، کە گرنگترینیان زەروورەتی یەکگرتووییمانە، لەگەڵ هەبوونی ئیرادەی خۆڕاگری و ڕۆحی بەرەنگاربوونەوە و بەرخۆدان، لەپێناوی سەربەستی و سەربەرزیدا.
كوردستانیانى خۆشەویست..
گیانی خۆڕاگری و بەرەنگاریی ئێوە، به هەمان ڕۆحییەتی ڕاپەڕینە مەزنەکەمانەوە بەرامبەر بەو جەنگە نەگریسەی داعش لە لایەک و ئەو دۆخه سه‌خته‌ى لە لایەکی دیکەوە ڕووبەڕووی هەرێمى كوردستان بوونەتەوە، گەورەترین بەڵگەی دڵسۆزیتانە بۆ خاک و نیشتمان و وەفاداریتانە بۆ خوێنی شەهیدە نەمرەکانمان. ئەم هەڵوێستە، درێژەپێدەر و شێوازێکی دیکەی خەباتی ڕەوای گەلەکەمانە، هاوشانی خەباتی سیاسی و دیپلۆماسی و بنیادنان و ئاوادانکردنەوەی کوردستان. بە دڵنیاییشەوە سەرکەوتن هەر بۆ ئەم گەلە ئازادیخوازەیە، کە ئێستا لەسەر ئاستی جیهان خاوەن ناوبانگێکی بەرز و دۆستانێکی زۆرە.
لەم یاده پیرۆزەدا، گه‌رمترین پیرۆزبایی ئاراستەی سەرجەم خانەوادەی سەربەرزی شەهیدانی ڕێگای ڕزگاری و پێشمەرگە قارەمانەکانمان و سەرجەم هاووڵاتیانی خۆڕاگر و سەربەرزی کوردستان و ته‌واوى خوشک و برایانمان لە پارچەکانی دیکەی کوردستان و تاراوگە، ده‌كه‌ین.
با یادی ڕاپەڕین، ورە و وزەی زیاترمان پێ ببەخشێت بۆ خۆڕاگری و پارێزگاری لە ئیرادە و خواستی نەتەوەییمان.
بەرز و شکۆدار بێت یادی ڕاپەڕینە مەزنەکەی گەلەکەمان..
نەمری و سەربەرزی بۆ شەهیدانی ڕاپەڕین و سەرجەم شەهیدانی ڕێگای ئازادی و سه‌رفرازیى کوردستان..
ئه‌نجومه‌نى وه‌زیرانى هه‌رێمى كوردستان
2015/3/4
سه‌رچاوه نوچە نێت
درێژه‌ی بابه‌ت http://ift.tt/1M9KcBM
هذا النص الغبي ، غير مقصود لقرائته . وفقا لذلك فمن الصعب معرفة متى وأين نهايته ، لكن حتى . فإن هذا النص الغبي ، ليس مقصود لقرائته . نقطة رجوع لسطر مدونة عرب ويب ترحب بك
تحويل كودإخفاء محول الأكواد الإبتساماتإخفاء