قوماری عه‌شق

ره‌قیبی سه‌گ هه‌تا چاوم كه‌لا كرد
منی دوچاری سه‌د ده‌ردو به‌لا كرد
نیگار وه‌ك ئاسكی وه‌حشی وه‌ها بوو
ده‌م و ده‌ست چۆن له‌گه‌ڵ خۆی ئاشنا كرد
كه‌ دیمی رووی له‌من وه‌رچه‌رخان و رۆی
به‌هانه‌ی رۆینی شه‌رم و حه‌یا كرد
شوكر ئه‌و شۆخه‌ ده‌ردی ئاشقی زار
یه‌ ماچی لێوی شیرینی ده‌وا كرد
كه‌ تۆ رۆیت دڵی بێچاره‌ی من
ویداعی خۆی له‌ گه‌ڵ عیش و سه‌فا كرد
نه‌ ته‌نها ( ئه‌حمه‌د ) ی بێچاره‌ رووته‌
قوماری عه‌شقی تۆ زۆری بێ داكرد
ئه‌حمه‌د موختار جاف

by ♥JEEF♥HaЯdY♥ via یانەی کوردکلیك
شكرا لك ولمرورك