واتس ئاپ له‌ ملیارێك به‌شداربوو نزیك ده‌بێته‌وه‌

واتس ئاپ له‌ ملیارێك به‌شداربوو نزیك ده‌بێته‌وه‌





خزمه‌تگوزاری (واتس ئاپ) بۆ قسه‌كردن له‌سه‌ر مۆبایل كه‌ له‌لایه‌ن كۆمپانیای‌ (فه‌یسبووك)ه‌وه‌ خاوه‌نداریی‌ ده‌كرێت، رۆخی‌ 900 ملیۆن به‌شداربووی‌ تێپه‌ڕاند.

جان كوم دامه‌زرێنه‌ری‌ (واتس ئاپ) له‌ په‌یامێكیدا كه‌ له‌سه‌ر ئه‌كاونتی‌ خۆی‌ له‌سه‌ر تۆڕی‌ (فه‌یسبووك) بڵاویكرده‌وه‌ رایگه‌یاند: "سێرڤسه‌، له‌ئێستادا مانگانه‌ 900 ملیۆن به‌شداربووی‌ هه‌یه‌".

واتس ئاپ كه‌ گه‌وره‌ترین گرێبه‌ستی‌ كڕین بوو له‌ مێژووی‌ فه‌یسبووك له‌ مانگی‌ تشرینی‌ یه‌كه‌می‌ رابردوو به‌ نزیكه‌ی‌ 22 ملیار دۆلار به‌ئه‌نجام گه‌یشت.

له‌كاتی‌ راگه‌یاندنی‌ پرۆسه‌كه‌دا، مارك زاكربرگ دامه‌زرێنه‌ر و به‌ڕێوه‌به‌ری‌ گشتی‌ (فه‌یسبووك) رایگه‌یاند: "ئامانجی‌ ئه‌وه‌ بووه‌ به‌شداربووانی‌ (واتس ئاپ) زیادبكات به‌ر له‌وه‌ی‌ قازانجه‌ داراییه‌كانی‌ زیادبكات له‌و سێرڤسه‌، به‌ڵام له‌گه‌ڵ ئه‌وه‌شدا قازانجه‌كانی‌ له‌دوای‌ تێپه‌ڕاندنی‌ رۆخی‌ ملیارێك به‌شداربوو، ده‌ست پێده‌كات.

سه‌باره‌ت به‌ (فه‌یسبووك) كه‌ 1.49 ملیار به‌كارهێنه‌ری‌ هه‌یه‌ له‌گه‌ڵ سیرڤسی‌ (ئینیستاگرام) كه‌ (300 ملیۆن به‌كارهێنه‌ری‌ هه‌یه‌)، قازانجه‌كانیان زیاتر له‌ڕێی‌ ریكلامه‌وه‌یه‌، به‌ڵام (واتس ئاپ) جه‌ماوه‌ری‌ له‌ڕێی‌ ئه‌وه‌وه‌ په‌یدا كردووه‌ كه‌ به‌ڵێنیداوه‌ خزمه‌تگوزارییه‌كانی‌ (ریكلام) له‌خۆنه‌گرێت.

by AYUBKALARE via یانەی کوردکلیك
شكرا لك ولمرورك