nuche.net
نوچەنێت.هه‌ولێر:
سەرۆكی هەرێمی كوردستان لە پەیامێكدا،دەڵێت،هاوكاریكردن و پێشكێشكردنی یارمەتی بۆ ئاوەدانكردنەوەی كۆبانێ و دەستپێكردنی دووبارەی ژیان لەم شارەدا ئەركێكی نەتەوەیی و نیشتمانیی هەموومانە. داوا لە گشت كوردستانیانی خۆشەویستی ناوەوە و دەرەوەی وڵات و ڕێكخراوەكانی كۆمەڵگەی مەدەنی و دەزگاكانی ڕاگەیاندن و دامەزراوە خێرخوازییەكان و خەڵكی چاكەخواز و دامودەزگەی فەرمی هەرێمی كوردستان دەكەم، هەركەسەو بە پێی توانا لە هەڵمەتی كۆكردنەوەی هاوكاری بۆ ئاوەدانكردنەوەی كۆبانێ بەشدار بن.
مسعود بارزانی،سەرۆكی هەرێمی كوردستان، لەو پەیامەیدا كە ئەمرۆ هەینی بڵاوی كردوتەوەو لەبەشێكی تری هاتوە پێویستە ئێستایش لە قۆناغی بنیاتنانەوەی ژیان و ئاوەدانكردنەوەدا به هەموو توانایەك لەگەڵ كۆبانێ بین و ئەو پەیامە بەهێزە بگاتە هەموو جیهانیان كە گەلی كورد خاوەنی یەك دۆزی هاوبەشه و لە خۆشی و ناخۆشییەكاندا یەكدەنگ و یەكگرتوون.
دەقی پەیامەكە:
بە ناوی خودای مەزن و دلۆڤان
جەماوەری سەربەرزی كوردستان
لەسایەی خۆڕاگری و قارەمانی شەڕڤانان و هێزەكانی پێشتیوانی پێشمەرگە كۆبانێ بەخۆڕاگری مایەوە و نەكەوت و تیرۆریستانی داگیركار تووشی شكستێكی گەورەهاتن وكۆبانێ سەركەوت. لەئەنجامی پەلاماری زاڵمانەی تیرۆریستانی داعش بۆ سەر كۆبانێی قارەمان ژمارەیەكی زۆر له خوشك و برایانمان لەم شاره خۆشەویسته ئاواره بوون و ماڵ و حاڵی خۆیان جێهێشت و، بەهۆی شەڕ و دڕەندەیی و وەحشیگەریی تیرۆریستان بەشی هەرەزۆری كۆبانێ وێران كراوە.
تیرۆریستان بەنیازبوون بە تێكدان و خاپووركردنی شارەكە كۆتایی بە بوونی كورد و ژیان لەم شارەدا بهێنن بەڵام كوردستان بە خۆڕاگری و گیانفیدایی خۆی ڕێگەی نەدا ئەم پیلانەی تیرۆریستان سەر بگرێت. دوای ئازادبوونی ئەم شاره پێویسته ژیان سەرلەنوێ لە كۆبانی دەست پێبكات و ئاوەدان بكرێتەوە و خۆشك و براكانمان به سەربەرزی بۆ شارەكەیان بگەڕێنەوە.
هاوكاریكردن و پێشكێشكردنی یارمەتی بۆ ئاوەدانكردنەوەی كۆبانێ و دەستپێكردنی دووبارەی ژیان لەم شارەدا ئەركێكی نەتەوەیی و نیشتمانیی هەموومانە. داوا لە گشت كوردستانیانی خۆشەویستی ناوەوە و دەرەوەی وڵات و ڕێكخراوەكانی كۆمەڵگەی مەدەنی و دەزگاكانی ڕاگەیاندن و دامەزراوە خێرخوازییەكان و خەڵكی چاكەخواز و دامودەزگەی فەرمی هەرێمی كوردستان دەكەم، هەركەسەو بە پێی توانا لە هەڵمەتی كۆكردنەوەی هاوكاری بۆ ئاوەدانكردنەوەی كۆبانێ بەشدار بن. هەروەكچۆن لە كاتی پەلاماری تیرۆریستان، هەموومان بە دڵ و بە گیان لەگەڵ كۆبانێ بووین و چوونی پێشمەرگە بۆ كۆبانێ هێمای یەكدەنگی و هاوسۆزی نەتەوەیی بوو، پێویستە ئێستایش لە قۆناغی بنیاتنانەوەی ژیان و ئاوەدانكردنەوەدا به هەموو توانایەك لەگەڵ كۆبانێ بین و ئەو پەیامە بەهێزە بگاتە هەموو جیهانیان كە گەلی كورد خاوەنی یەك دۆزی هاوبەشه و لە خۆشی و ناخۆشییەكاندا یەكدەنگ و یەكگرتوون.
مسعود بارزانی
سەرۆكی هەرێمی كوردستان
6ـی 3ـی 2015
سه‌رچاوه نوچە نێت
درێژه‌ی بابه‌ت http://ift.tt/18WK4HW
by sanakurdsite via كوردی پۆست
هذا النص الغبي ، غير مقصود لقرائته . وفقا لذلك فمن الصعب معرفة متى وأين نهايته ، لكن حتى . فإن هذا النص الغبي ، ليس مقصود لقرائته . نقطة رجوع لسطر مدونة عرب ويب ترحب بك
تحويل كودإخفاء محول الأكواد الإبتساماتإخفاء